کونگیل کوزگوسی

کیم دیگن توز حرمتی نی کیم دیگن بار یخشیلیک

آغریمس کونگلیم دیسنگ گر قیلمه زنهار یخشیلیک

+نوشته شده در 2011/6/22ساعت2:52توسط بیگم |

تورتلیک لر

مین اگر سیوسم سینی ٫یا سیومه سم نی فرقی بار؟

اوزگه نینگ قولیده بولگن٫ اوزگه گل نی نه ایله یین

مینگه سوزلشماق نی حاجت٫ توقمه ایرتک گه نی بار؟

باشقه سیگه باغله گن سن٫ اوزگه دل نی نه ایله یین

* * * * * *

سینگه تا پروانه بولدیم٫ کویدیریب قویدینگ منی

باش کوترماققه اوریندیم٫ بوکتیریب قویدینگ منی

بیر قناتیم نی ایمس بلکه بوتون بارلیق لریم

تویغو لرنی باسیب اوتینگ٫ بوزدیریب قویدینگ منی

+نوشته شده در 2011/2/25ساعت11:27توسط بیگم |

ساغینچ

قیقیر قیقیر یورکدن کولیشینگ قنچه گوزل

تورکچه قیلیب ایتکن ده، سن باشکه سین سن اوزل۱

قولاقلریم سیسینگ نی اوزاق لردن سیزه دی

یورک بغریم نی جانیم ایسیق لیگی ایزه دی

کوکلم بولیب آچرسن قیزیل گوللر ایچیمده

بیزه تیب قویگین مینی تورلی تورلی بیچیمده۲

ایسلب تورگین آره ده بولمسه مین سوله من

اوزاق لیک فیرتینه۳ دیر بوران بوران بوله من

۱. سین باشقه سن سین خاص سن

۲. فرقلی فرقلی تور لرده

۳. رعد و برق

+نوشته شده در 2011/2/9ساعت22:30توسط بیگم |

یالغان

ساچلریم دن یولدوز تیریشلر

آی نی قولاغیم گه سیرغه قیلیش لر یالغان

یاشلریم دن اینجو بیزه تیب

بوینیم ده مینچاغ مینچاغ تاقیش لر یالغان

لب لریم دن قیزیل گللرنی تیریب

یشیل میسه لربیلن سولیب کیتیش لر یالغان

کیچیر مینی عزیزیم

ایشانچیم یوقتور سینگه

مین یشه دیم حیاتنی

سیوگی دیگنلر یالغان

+نوشته شده در 2011/2/8ساعت23:18توسط بیگم |

شور پیشانه

سین گپیرمه سنگ هم

کیپریک لرینگ نینگ اوچیده

قلتیره ب تورگن بیر تامچی

ایچینگ ده بولگن بوران نی

کورسه ته دی

او تیتره گن لب لرنینگ جیم لیگیده

دینگیز دینگیز ایقیریش نینگ ایزی بار

سینینگ عیب ینگ شور پیشانه لیگینگ ایمس

شورلیک نی اوز بغرینگه یره تیب اوستیرگنینگ گه دیر

اخیر بالته

یاغاچ نینگ اوزیدن توزه له دی کو

+نوشته شده در 2010/12/28ساعت22:54توسط بیگم |

یورک ده سیوگی

حیات دن چرچه گه نینگ ده

باشینگنی کوکرگیمده قوی

و کوزلریم نینگ تیبیده باقیب

بوتون کورگن قیینچیلیک لرینگنی اونوت

ییریوزی میده لیک قیلیب آدم لردن بیقگه نینگ ده

یورگیم نینگ کیینگ دنیاسیده کیل

مینی یورگیم شونچه لیک کتته کی

بوتون تویغولرینگ و قیغولرینگ بیلن اونگه سیغه آله سن

مین سینگه

کوکده قویاش

ییرده سو

و یورکده سیوگی بوله من

+نوشته شده در 2010/12/12ساعت23:26توسط بیگم |

قویاش

بولوت لر ایلکم ده

آغیرلیک قیلگنده

باشیمنی کوتاریب

قویاشیم نی ایزلیمن

مینی قویاشیم

کیچه ده ایمس ،کوندوز ده ایمس

فقط گینه توشلرده

چیقیشی ممکن

او شونچه لیک گوزل کی

کیپریک لریمنی باغلب

کوزلریم نینگ تیبیده یشینتیرماغچین بوله من

ایلکم ده بولوت لرنینگ آغیرلیگینی تاشیسم هم

قویاشیم نی یورگیم ده و تویغو لریم ده

یشه ته من

+نوشته شده در 2010/12/4ساعت23:1توسط بیگم |

قیش

قیش نینگ کیلیشی

بیر گینه

اوییم قرشی سیده تورگن

یکه یاغاچ نینگ نوده لری نی ایمس

بلکه ایچیم ده کوکرگن

یکه لیک تویغولری نی هم بوزلتگن

آق کیلینلیگ کویله گی

تاغلرنینگ هم بوینیده

آغیرلیک قیلگن

میندیک کوزلر اویقوده

بغری تاش گه ایلنگن

+نوشته شده در 2010/11/21ساعت1:21توسط بیگم |

بو کیچه

ایتگیم دن توکیلر بیر قوده یولدوز بو کیچه

مین اوچون یازگللری آچگن٫ بوتون کوزبوکیچه

تامیریم ده ینگره گن کویلر نوالر لر سیسی بار

سیره گن قوشیق تویولگی ٫عادی بیر سوز بو کیچه

ایلنیب بیر قوش بولیب یانینگده اوچسم جانگینم

او چیرایلی باقیشینگدن اوزمه سم کوز بو کیچه

مینی سیوگن سیوگیلیم دن ینگیلیک لر هیدی بار

کیم دیگن قیش کیله دی دیب؟ مینگه نوروز بو کیچه

+نوشته شده در 2010/10/9ساعت23:31توسط بیگم |

توش

قولاقلریمده

قنه قه دیر بیر سیس نینگ ایزی بار

کوزلریمده

اوزاق بیر باقیش نینگ

سیزیشی

یکه لیک لریمنی مین بیلن اورتاقلشگن بیر ایلکه

ساچلریمنی سیلب

قورقو لریمنی باستیرگن

بیر قول

ینه قنچه لیک اوزون سورر بو توش

بیلمیمن

شونچه کی

انیق بولگن نیرسه

مینی توشونچه لریمگه اونینگ بارلیگی

و بار لیگی بیلن

مینی یره تیشی

+نوشته شده در 2010/8/5ساعت0:29توسط بیگم |